Header Ads

Weling Pituturing Pinisepuh



Assalamualaikum...

Nggèr anakku...
Sawangen kaé dagelan jagat...
Sing lagi rebutan ndonyo lan pangkat
Rumangsané wis paling kuat kinurmat..
Nganti lali yèn ndonyo iki bakalé kiamat..

Nggèr anakku..
Sawangen kaé dagelan jagat
Podho lali ngrumat wasiat
Gaman aji kanggo ndonyo akhirat

Nggèr anakku...
Sing kok sawang  kae ojo ditiru
Rungokno lan élingo marang pesenku
Kanggo gondèlan laku uripmu

Nggèr anakku...
Ayu-bagusmu dudu soko wedak pupur kang gampang luntur...
Ning soko resiké atimu kang ngugemi pitutur luhur..
Sugihmu dudu emas picis rojo brono sing gampang sirno..
Ananging jembaring atimu sing koyo segoro...
Kang biso nompo pesthining Gusti Allah kang Maha Kuwoso.

Nggèr.. anakku,
Eling di eling²
Ojo nganti jejeging imanmu nggoling
Sekarat pati bakal banget loroné
Yèn rikolo jaman uripé
Akeh dosané, lali marang tobaté
Pramulo ayo podo éling selawasé
Dimèn podo becik nganti ing wekasané
Wassalam....¡
Mugi Rahayu wilujeng nir sambikolo soko kersaning Gusti Allah Ta'ala.

Aamiin.

Penulis: Romo Herlambang

Tidak ada komentar

Diberdayakan oleh Blogger.